كلمات قصيدة الشاعر / ناصر الذرفي الشمري

قصيدة الشاعر / ناصر الذرفي الشمري
في مدح المغرة عيال منيع
اللي هم فخذ من قبيلة شمر
يستاهلون عيال المنيع امغره

يالله يامنـش المـزون الحواديـر
بمـرك تسيرهـا وبمـرك اتهلـي
ياخير معبـود(ن) نعبـده وياخيـر
ربن على السبـع الطبـاق متعلـي
يافـرد يامعبـود يـارب يامجيـر
يامـن بضلـك كلنـا نستضـلـي
اطلبك تجعل لي عن الذنب تكفيـر
وتقبل صلاتي يالولي يـوم اصلـي
بعده سلامـي للوجيـة المسافيـر
بيض الوجية اللـي قبالـه يسلـي
(عيال المنيعي) ناطحين الطوابيـر
قومن بـدار الخـوف ذوده ايفلـي
اهل المكـارم مكرميـن الخطاطيـر
كسابـة الطـولات ريـف المقلـي
( المغره ) على المراجـل مغاويـر
ياصار بالموضـوع عقـداَ وحلـي
كم هجمتن على العداء قادها (هوير)
وزود بهـا غـل المعاديـن غلـي
علـى لواليـش البنـي الغناديـر
يصد بصوته حـل يالمـوت حلـي
من روس شمر محتمين المغاتيـر
قومن تخل اعقول الاضـداد خلـي
اسيوف في وجه المعـادي بواتيـر
ولصحابهـم كالوابـل المستهلـي
من طيبهم كم شاعر من الشواعير
يقولها ياليـت شمـر هلـن لـي
وان لواجبهـم معـرف المعاذيـر
اليا دعونـي لابتـي جيـت كلـي
لعيونهـم حثيـت الاقـدام لسيـر
ولشوفهـم يتلـن الشـوق تـلـي
اقف وارحب في ضيوف ومساييـر
محل ابـن غثـوان عـده محلـي
وياصاحبي من يوم سقت التباشيـر
من فرحتي قعـدة ارحـب واهلـي
مبروك عرسك يازبون المخاسيـر
ياللي مع اهل الطيب دلـوك اتدلـي
عسى حياتك كـل ابوهـا تياسيـر
وربي عنك لهمـوم بقعـاء يجلـي